రాష్ట్రంలో ఉప ఎన్నికలపై ముమ్మరంగా పందేలు కాస్తున్నారు. 18 అసెంబ్లీ, ఒక పార్లమెంట్ స్థానాల్లో వై.ఎస్.ఆర్. కాంగ్రెస్ పార్టీ 15 అసెంబ్లీ, ఒక పార్లమెంటు స్థానం గెలుపొందుతుందంటూ కొందరు కోట్లాదిరూపాయల పందేలు కాస్తున్నారు. ఆ పార్టీ అధ్యక్షుడు జనగ్మోహనరెడ్డిని అక్రమాస్తుల కేసులో సిబీఐ అరెస్టు చేయటంతో సానిభూతి ఓట్లతో ఆ పార్టీ విజయం సాధిస్తుందన్న నమ్మకాలు ఎక్కువయ్యాయి. దీనికి తోడు ఎమ్మెల్యేలు కూడా కాంగ్రెస్, తెలుగుదేశంపార్టీల నుంచి వై.ఎస్.ఆర్. కాంగ్రెస్ పార్టీ కు వలస వెళుతుండటం కూడా పందెంరాయుళ్ళను రెచ్చగొడుతోంది. ఆ పార్టీ తరపున పందెం కాస్తే తమకు రెట్టింపు వస్తుందన్న నమ్మకమూ వారికి ఎక్కువయింది.

 

'తెలుగువన్.కామ్' పరిశీలనలో వై.ఎస్.ఆర్. కాంగ్రెస్ పార్టీ నేతలే తమ అనుచరుల్లో కొందరిని పందెం కాసి డబ్బు సంపాదించుకోమని ఉసికోల్పుతున్నారు. అందుకే ఒక్క తూర్పుగోదావరి జిల్లా రామచంద్రాపురం ఎన్నికలపై దాదాపు 50కోట్ల రూపాయల పైచిలుకు బెట్టింగులున్నాయని విశ్వసనీయ సమాచారం. విజయమ్మ పర్యటన తరువాత ఈ బెట్టింగ్ ల జోరు మరింగ పెరిగే అవకాశం ఉండి. వీరికోసమే కొత్తగా ఒక వెబ్ సైట్ ను కూడా రెండు రోజుల్లో తీసుకొస్తారని చెప్పుకుంటున్నారు. మట్కాజూదంలానే ఈ వెబ్ సైట్ కూడా కోడ్ ల ఆధారంగా పనిచేస్తుందనీ, నియోజకవర్గాలకు నెంబరింగ్ లు ఇచ్చి గెలుపు, ఓటమి పందేలను నడుపుతారని సమాచారం. అయితే ఎన్నికల కమీషన్ ఆదేశాల మేరకు ముందుగానే అప్రమత్తమైన పోలీసులూ ఈ ఎన్నికల బెట్టింగ్ పై నిఘా పెట్టారు. రాష్ట్ర వ్యాప్తంగా ఈ బెట్టింగ్ ల తీరును పరిశీలిస్తున్నారు. ప్రత్యేకించి కాంగ్రెస్ పార్టీ తరపున తిరుపతి, అనంతపురం ప్రాంతాల నుంచి బెట్టింగ్ లు జరుగుతున్నాయని తెలుస్తోంది. అక్కడ కాంగ్రెస్ అభ్యర్థులు గెలుస్తారని ధీమాతో పందేలకు ఎగబడుతున్నారట. ఏదేమైనా ఎన్నికలపై బెట్టింగ్ ల గురించి ఇసి ముందుగా అప్రమత్తం అయ్యిందన్న సమాచారం పందెంరాయుళ్ళకు తెలిసి పేర్లు, వివరాలు బయటకు పొక్కకుండా తగిన జాగ్రత్తలూ పాటిస్తున్నారు. ఈ పందేలను కోడ్ ల ఆధారంగా ప్రాంతాలవారీగా విభజించటానికీ ఏర్పాట్లు జరిగాయని తెలుస్తోంది. నియోజకవర్గానికి నెంబర్లు, ప్రాంతాల వారీగా బెట్టింగ్ రాయుళ్ళకు కోడ్ లు ఇచ్చి పందెంరాయుళ్ళు టెక్నాలజీని ఎలా ఉపయోగించుకుంటారన్నది రాష్ట్రవ్యాప్తంగా ఆసక్తిని పెంచుతోంది.