ఆంధ్రప్రదేశ్ అసెంబ్లీ స్పీకర్ కోడెల శివప్రసాదరావు మీద అవిశ్వాస తీర్మానం పెట్టాలని వైసీపీ శాసనసభాపక్షం ఏకగ్రీవంగా తీర్మానించింది. ఈ విషయాన్ని ఆ పార్టీ శాసనసభా పక్ష ఉప నాయకుడు జ్యోతుల నెహ్రూ వెల్లడించారు. విధిలేని పరిస్థితుల్లోనే స్పీకర్ మీద అవిశ్వాసం పెట్టాలని తీర్మానించామని చెప్పారు. వైసీపీ ఎమ్మెల్యే రోజాను ఒక సంవత్సరం పాటు సస్పెండ్ చేయడానికి, అవిశ్వాస తీర్మానానికి సంబంధం లేదని ఆయన అన్నారు. బుధవారం నాడు అసెంబ్లీ కార్యదర్శికి అవిశ్వాస తీర్మానం నోటీసు ఇవ్వనున్నామని ఆయన తెలిపారు. తమ పార్టీ ఎమ్మెల్యే రోజాను సస్పెండ్ చేసిన అంశం మీద న్యాయపోరాటం చేస్తామని ఆయన వెల్లడించారు.