సుమంత్ అశ్విన్, ఈషా జంటగా కలిసి నటించిన "అంతకు ముందు ఆ తరువాత" చిత్రం ఇండియన్ ఇంటర్నేషనల్ ఫిల్మ్ ఫెస్టివల్ ఆఫ్ సౌతాఫ్రికాలో ప్రదర్శనకు ఎంపికైంది. ఈ చిత్రోత్సవాలు దక్షిణాఫ్రికాలో వచ్చే నెల రెండో వారంలో ప్రారంభమవుతాయి. పెళ్ళికి ముందు కలిసి జీవిస్తే.. పెళ్లి తర్వాత వచ్చే సమస్యలను తెలుసుకోవచ్చు అనే అంశంతో దర్శకుడు మోహనకృష్ణ తెరకెక్కించాడు. ఈ విషయం గురించి నిర్మాత మాట్లాడుతూ... "సున్నితమైన అంశంతో తెరకెక్కిన ఈ చిత్రం అన్ని వర్గాల్నీ అలరించింది. ఇప్పుడు అంతర్జాతీయ చిత్రోత్సవాలకు ఎంపికవ్వడం మరింత సంతోషాన్నిచ్చింది" అని అన్నారు.