కేసిఆర్ కు అనిల్ అంబానీ అభినందనలు
Published on: Mon Jul 7, 2014 6:45PM

ఆంధ్రప్రదేశ్, తెలంగాణలో తన పరిశ్రమలను ఏర్పాటు చేయడానికి రిలయన్స్ గ్రూప్ చైర్మన్ అనిల్ అంబానీ ప్రయత్నాలను మొదలుపెట్టారు. ఇందులో భాగంగా ఈరోజు మొదట ఆయన ఆంధ్రప్రదేశ్ ముఖ్యమంత్రి చంద్రబాబు నాయుడుతో సమావేశమయ్యారు. ఆంధ్రప్రదేశ్ లో పవర్ ప్లాంట్ నెలకొల్పడంపై ఈ సమావేశంలో చర్చించారు. ఆతరువాత ఆయన తెలంగాణ ముఖ్యమ౦త్రి కేసిఆర్ తో కూడా భేటి అయ్యారు. తెలంగాణ విద్యుత్, మీడియా, మౌలిక రంగాలలో పెట్టుబడులు పెట్టేందుకు ఆయన ఆసక్తిగా వున్నట్లు తెలుస్తోంది. అయితే కొత్త పారిశ్రామిక విధానం పూర్తయిన తరువాత మరోసారి దీనిపై చర్చిద్దామని కేసిఆర్ అంబానీతో అన్నట్లు తెలుస్తోంది. అలాగే ఈ సందర్బంగా ప్రత్యేక తెలంగాణ రాష్ట్రం సాధించినందుకు కేసిఆర్ ని అంబానీ అభినందించారు.


