ఆంధ్రప్రదేశ్ ప్రభుత్వం రాష్ట్రంలో వున్న బోగస్ రేషన్ కార్డులను ఏరివేసే పనిలో ముమ్మరంగా వుంది. రాష్ట్రం మొత్తంలో 67 లక్షల బోగస్ తెల్ల రేషన్ కార్డు వున్నట్టు తెలుసుకుంది. కడు పేదవారి దగ్గర వుండాల్సిన తెల్ల రేషన్ కార్డులు ఆర్థికంగా స్థితిమంతులుగా వున్న లక్షలాది మంది దగ్గర వున్నట్టు తేల్చింది. వైసీపీ ఎమ్మెల్యే చెవిరెడ్డి భాస్కరరెడ్డి తండ్రికి కూడా వైట్ రేషన్ కార్డే వుంది. ఈసారి విడుదల చేసే రేషన్ ‌బియ్యం కోటాలో ఆ  67 లక్షల బోగస్ కార్డులను తొలగించి అంటే 29 వేల టన్నుల బియ్యాన్ని కోత విధించి పంపిణీ చేయాలని రాష్ట్ర ప్రభుత్వం నిర్ణయించినట్టు సమాచారం. ఆంధ్రప్రదేశ్‌ రాష్ట్రంలో 67 లక్షల బోగస్ రేషన్ కార్డులు వున్నాయా అని ఆశ్చర్యంతో అధికార వర్గాలు నోళ్ళు తెరిచాయి.