నాగాలాండ్‌లో విజయవాడకు చెందిన ఇద్దరు తెలుగు ఇంజనీర్లు ప్రతీష్ చంద్ర, రఘులను తీవ్రవాదులు కిడ్నాప్ చేసిన సంగతి తెలిసిందే. నాగాలాండ్‌లో కన్‌స్ట్రక్షన్ కాంట్రాక్టులు నిర్వహించే పృథ్వి కన్‌స్ట్రక్షన్స్ సంస్థలో వీరిద్దరూ ఇంజనీర్లుగా పనిచేస్తున్నారు. ఈ కిడ్నాప్ సంగతి తెలిసిన వెంటనే ఆంధ్రప్రదేశ్ ప్రభుత్వం స్పందించింది. కిడ్నాపైన ఇంజనీర్లను రక్షించాలని ఆంధ్రప్రదేశ్ ప్రభుత్వం తరఫున కంభంపాటి రామ్మోహనరావు నాగాలాండ్ రాష్ట్ర చీఫ్ సెక్రటరీతో ఫోన్‌లో మాట్లాడి విజ్ఞప్తి చేశారు. ఈ విషయం మీద నాగాలాండ్ అధికారులతో ఆంధ్రప్రదేశ్ అధికారులు ఎప్పటికప్పుడు సంప్రదింపులు జరుపుతున్నారు.