నెల్లూరులో టీడీపీ నష్టనివారణ చర్యలు..!!
Published on: Tue Aug 28, 2018 2:11PM

గత కొంతకాలంగా టీడీపీతో అసంతృత్తితో ఉన్న ఆనం రామనారాయణ రెడ్డి, వైసీపీ తీర్ధం పుచ్చుకోబోతున్నారన్న విషయం తెలిసిందే.. తన సొంత నియోజకవర్గం ఆత్మకూరుతో పాటు, నెల్లూరు జిల్లాలోని టీడీపీ ప్రాబల్యం కలిగిన ప్రాంతాలకు చెందిన నేతలను కూడా తనవెంట వైసీపీలోకి తీసుకువెళ్లాలని ఆనం ప్రయత్నం చేస్తున్నారు.. ఈ క్రమంలోనే జిల్లాలో ఆత్మీయ సమావేశాలు నిర్వహిస్తున్నారు.. అయితే వచ్చే ఎన్నికల్లో ఆనం వైసీపీ నుండి బరిలోకి దిగాలని నిర్ణయించుకున్న నేపథ్యంలో, టీడీపీ అధినాయకత్వం నష్ట నివారణ చర్యలు చేపట్టింది.. ఇప్పటికే ఆత్మకూరు ఇంచార్జిగా సీనియర్ నేత ఆదాల ప్రభాకర్ ను నియమించింది.. అదేవిధంగా అన్ని మండలాల నేతలతో ముఖాముఖి చర్చించి, పార్టీని వీడకుండా చూడాల్సిందిగా చంద్రబాబు మంత్రులు చంద్రమోహన్ రెడ్డి, నారాయణలతో పాటు ఆదాల ప్రభాకర్ రెడ్డిని ఆదేశించినట్టు తెలుస్తోంది.


