ఈనెల 17న టీడీపీ చేరిక.. ఆనం రాంనారాయణ రెడ్డి
Published on: Wed Jan 13, 2016 1:55PM

ఆనం బ్రదర్స్ కాంగ్రెస్ పార్టీని వీడి టీడీపీలోకి చేరుతున్న సంగతి అందరికి తెలిసిందే. దీనిలో భాగంగా సంక్రాంతి తరువాత అంటే ఈనెల 17 వ తేదీన తాను.. తనతో పాటు 4 వేల మంది అనుచరలు టీడీపీలోకి చేరబోతున్నట్టు ఆనం రాంనారాయణరెడ్డి తెలిపారు. ఈ సందర్భంగా ఆయన మాట్లాడుతూ పదవుల కోసం పార్టీ మారడంలేదు.. ఏపీ అభివృద్ధికి తమవంతు కృషి చేయాలనే ఆలోచనతో పార్టీ మారుతున్నామని.. పదవులు మాకేం కొత్తకాదని అన్నారు. అంతేకాదు చంద్రబాబు మాత్రమే ఏపీని అభివృద్ధి చేయగలరని.. కాంగ్రెస్ చేయలేని అభివృద్ధిని టీడీపీ చేస్తోందన్నారు. ఇప్పటికైనా రఘువీరా ప్రభుత్వంపై విమర్శలు మానుకొని సహకరించాలని ఆనం రాంనారాయణరెడ్డి సూచించారు.


