సూపర్‌స్టార్ అమితాబ్ బచ్చన్ అనారోగ్యానికి గురయ్యారు. ఆయన తీవ్రమైన జ్వరంతో బాధపడుతున్నట్టు సమాచారం. ఆయన అనారోగ్యానికి గురి కావడంతో ఆయన నటిస్తున్న సినిమాల షూటింగ్‌లు రద్దయ్యాయి. తీవ్ర జ్వరంతో బాధపడుతున్న అమితాబ్ కొన్ని రోజులు విశ్రాంతి తీసుకోవాల్సిన అవసరం వుందని వైద్యులు సూచించారు. ప్రస్తుతం అమితాబ్ ‘పీకూ’, ‘షమితాబ్’ చిత్రాలు, కౌన్ బనేగా కరోడ్ పతి కార్యక్రమంతో బిజీగా ఉన్నారు. తాను జ్వరంతో బాధపడుతున్నానని శనివారం అమితాబ్ ట్వీట్ చేశారు. ఇంకా జ్వరంతోనే బాధపడుతున్నాను.. షూటింగ్ రద్దు అవ్వడం బాధగా ఉంది అని ఆదివారం మరో ట్వీట్ చేశారు. ఇదిలా వుంటే శనివారం నాడు అమితాబ్ బచ్చన్ తన కుమారుడు అభిషేక్ బచ్చన్, కోడలు ఐశ్వర్యారాయ్ బచ్చన్‌తో కలసి ముంబైలోని లాల్ బగ్‌చా వినాయక మందిరాన్ని సందర్శించారు.