అమెరికాలో భారతీయుల మీద కాల్పులు జరగడం సర్వ సాధారణమైపోయింది. అమెరికాలో నివసిస్తున్న భారతీయులకు ఇది చాలా భయాన్ని కలిగిస్తోన్న అంశం. ఈ భయం నేపథ్యంలోనే అమెరికాలోని మరో భారతీయుడి మీద కాల్పులు జరిగాయి. బిచిగాన్‌లో ఇంద్రజిత్ సింగ్ అనే వ్యక్తికి చెందిన ఒక స్టోర్‌లో భారత సంతతికి చెందిన ఒక యువకుడు క్లర్క్‌గా పనిచేస్తున్నాడు. ఆ స్టోర్‌లోకి ఓ దుండగుడు మాస్క్ ధరించి ప్రవేశించాడు. డబ్బులు ఇవ్వాలని బెదిరించాడు. అయితే ఆ యువకుడు డబ్బు ఇవ్వడానికి నిరాకరించడంతో దుండగుడు అతని మీద కాల్పులు జరిపి, డబ్బు తీసుకుని పరారయ్యాడు. అయితే అదృష్టవశాత్తూ బుల్లెట్లు ఆ యువకుడికి ప్రాణాపాయం కలిగించే ప్రాంతాల్లో తగలకపోవడంతో అతను బతికి బయటపడ్డాడు. ప్రస్తుతం అతనికి చికిత్స జరుగుతోంది.