బాలీవుడ్ హీరోయిన్‌, దర్శకుడు మహేష్ భట్ ముద్దుల కూతురు అలియాభట్‌కి భూమ్మీద నూకలున్నాయి. అందుకే కారు ప్రమాదం నుంచి తప్పించుకుంది. తన సహనటుడు వరుణ్ ధవన్‌తో కలిసి అలియాభట్‌ ప్రయాణిస్తున్న కారును వెనుక నుంచి ఓ పోలీసు అధికారి కారు ఢీకొంది. అయితే.. ఈ ప్రమాదంలో ఎవరికీ గాయాలు మాత్రం కాలేదు. తాము తాజాగా నటించిన 'హంప్టీ శర్మా కీ దుల్హనియా' చిత్రం ప్రమోషన్ కోసం అహ్మదాబాద్ వెళ్లిన ఆలియా, వరుణ్ ఎయిర్ పోర్టు నుంచి వెళ్తుండగా వెనకనుంచి వచ్చిన ఓ పోలీసు అధికారి కారు వీరి కారుని ఢీకొట్టింది. దాంతో కారు వెనుక అద్దం పూర్తిగా బద్దలైపోయింది. గాజు ముక్కలు వెనక సీట్లో కూడా పడ్డాయి. అయితే పోలీసు అధికారి వాహనం చివరి క్షణంలో వేగాన్ని అదుపు చేయడం వల్ల పెద్ద ప్రమాదం తప్పినట్టు తెలుస్తోంది.