ఆ కామాంధుడి బారి నుంచి ఐశ్వర్య ఇలా తప్పించుకుంది..!

ప్రస్తుతం హాలీవుడ్ నుంచి బాలీవుడ్ వరకు ఏ ఇద్దరు నటీనటులు కలుసుకున్నా ఒకటే టాపిక్.. హాలీవుడ్ నిర్మాత హార్వే వెయిన్‌స్టీన్ లైంగిక వేధింపుల గురించే. వర్థమాన నటులుగా ఉన్నప్పుడు తమను వెయిన్‌స్టీన్ లైంగికంగా వేధించాడని ప్రముఖ నటీనటులు ఏంజెలినా జోలీ, గ్వైనెత్ పాల్ట్రో ఆరోపించడం సంచలనం సృష్టించింది. వీరితో పాటు మెరిల్ స్ట్రీప్, జెన్నిఫర్ లారెన్స్, కేట్ విన్‌స్లెట్ వంటి నటీమణులు కూడా బయటకు వచ్చి.. వెయిన్‌స్టీన్ తమను ఎలా వేధించింది చెప్పడంతో అతని చీకటి కోణం ప్రపంచానికి తెలిసింది. దీంతో అతన్ని సొంత కంపెనీ నుంచే బయటకు పంపేశారు. ఈ నేపథ్యంలో అందాల రాశి, మాజీ విశ్వసుందరి ఐశ్వర్యరాయ్‌ కూడా అతని బారిన పడేదట.. కానీ అదృష్టం బాగుండి కాస్తలో తప్పించుకుందట. దీనికి ఐశ్వర్య మాజీ అంతర్జాతీయ మేనేజర్ కారణమట. ఈ విషయాన్ని ఆ మేనేజర్ స్వయంగా తెలిపింది. అనేక మంది కొత్త హీరోయిన్లను హోటల్ గదికి పిలిపించుకొని వారితో అసభ్యంగా ప్రవర్తించిన వెయిన్‌స్టీన్.. ఐశ్వర్యరాయ్‌ను ఒంటరిగా కలవాలని కోరాడట.. కానీ తాను సమయస్పూర్తితో వ్యవహరించి వారి మధ్య అలా జరగకుండా చూశానని తెలిపింది. మేం ముగ్గురం మాత్రమే ఉన్నప్పుడు ఐశ్వర్యను ఒంటరిగా వదిలేసేందుకు ఎంత కావాలి అని అడిగాడు.. నేను తిరస్కరించానని చెప్పింది.