వాయుకాలుష్యం మళ్లీ దేశ రాజధాని ఢిల్లీని కమ్మేసింది. ఐదేళ్ల కనిష్ఠానికి వాయు నాణ్యత పడిపోయింది. ఇందుకు ప్రధాన కారణం దీపావళి సందర్భంగా నగరవాసులు టపాసులు కాల్చడమేనని పర్యావరణ నిపుణులు అంటున్నారు. దిపావళి సందర్భంగా క్రాకర్స్ కాల్చడానికి తోడు గాలుల మందగమనం కూడా ఈ స్థాయిలో వాయు కాలుష్యం ప్రబలడానికి కారణంగా చెబుతున్నారు.

సెంట్రల్ పొల్లూషన్ కంట్రోల్ బోర్డు (సీపీసీబీ) మేరకు గత ఐదేళ్లలో ఎన్నడూ హస్తినలో ఈ స్థాయిలో వాయు కాలుష్యం ఏర్పడలేదు.  ఈ నేపథ్యంలో ఢిల్లీ, నేషనల్ క్యాపిటల్ రీజియన్ లలో  జీఆర్ఎపీ-2 చర్యలు అమలులోకి  వచ్చాయి. కోర్టు ఆదేశాల మేరకు ఈ ఏడాది దిపావళి సందర్భంగా పరిమితంగానే హరిత బాణసంచా ఉపయోగించినప్పటికీ కాలుష్యం ఈ స్థాయిలో ఏర్పడటంలో హరిత బాణ సంచ నాణ్యతపై కూడా తనిఖీలు చేపట్టాల్సిన అసవరం ఉందని పర్యావరణ శాస్త్రవేత్తలు చెబుతున్నారు.