తెలుగులో మహేష్ హీరోగా నటించిన "అర్జున్" సినిమాలో మహేష్ కు అత్తగా లేడి విలన్ పాత్రలో నటించి, అందరి ప్రశంసలు పొందిన నటి, డబ్బింగ్ ఆర్టిస్ట్ సరిత తన భర్త ముఖేష్ మాధవన్ పై పోలీసులకు ఫిర్యాదు చేసింది. నటుడు, నిర్మాత అయిన ముఖేష్ మాధవన్ తో తనకు 1988లోనే కేరళలో వివాహం జరిగిందని, అయితే ప్రస్తుతం దుబాయ్ లో మెడిసిన్ చదువుతున్న నా పెద్దకొడుకు వద్ద ఉన్న నాకు ఎలాంటి విషయం చెప్పకుండా, విడాకులు కూడా ఇవ్వకుండానే అతడు దేవిక అనే మరో మహిళను రహస్యంగా పెళ్లి చేసుకున్నారని సరిత పేర్కొంది. ప్రతిరోజూ తాగివచ్చి మానసికంగా, శారీరకంగా తనను ముఖేష్ వేధించే వాడని... అందువల్లే తనపై సివిల్, క్రిమినల్ కోర్టులకెక్కబోతున్నట్టు ఆమె తెలిపింది.