ఈమధ్య హీరోయిన్ల బాత్రూమ్ సీన్స్ అంటూ మార్ఫింగ్ ఫొటోలు, వీడియోలు ఇంటర్నెట్‌లో భారీ స్థాయిలో వ్యాపిస్తున్నాయి. మొన్నామధ్య రాధికా ఆప్టే, నిన్నగాక మొన్న హన్సిక ఇలాంటి సమస్యను ఎదుర్కొన్నారు. ఇప్పుడు మరో హీరోయిన్ ఇలాంటి రూమర్ల బారిన పడింది. ఆ హీరోయిన్ మరెవరో కాదు.. లక్ష్మీ మీనన్. ఈ కేరళ హీరోయిన్ స్నానాలగది దృశ్యాలంటూ కొన్ని హాట్ సన్నివేశాలు సోషల్ నెట్‌వర్క్‌లో హల్‌చల్ చేస్తున్నాయి. అయితే వీటిమీద లక్ష్మీ మీనన్ లేటు చేయకుండా స్పందించింది. ఆ స్నానం దృశ్యాలు తనవి కావని, మార్ఫింగ్ దృశ్యాలని వివరణ ఇచ్చింది. లక్ష్మీమీనన్ తాను త్వరలో సినిమాల నుంచి తప్పుకుంటున్నానని ప్రకటించింది. అయితే సినిమా రంగంలో తానంటే గిట్టనివాళ్ళు తనను అప్రతిష్ట పాలు చేయడం కోసమే ఇలాంటి దృశ్యాలను ప్రచారం చేస్తున్నారని ఆమె అంటోంది. సినిమా రంగం నుంచి వెళ్ళే సమయంలో తనను ఇలా అవమానాల పాలు చేయడం భావ్యం కాదని ఆమె అంటోంది.