'చమ్మాక్ చల్లో' చిత్రంతో తెలుగు ఇండస్ట్రీకి పరిచయమైన క్యాథరీన్ థెరీసా, మొదటి సినిమా తో సక్సెస్ సాధించలేకపోయిన అవకాశాలు మాత్రం వెతుక్కుంటూ వస్తున్నాయి. ప్రస్తుతం అల్లు అర్జున సరసన 'ఇద్దరమ్మాయిలతో', నాని తో పైసా లో క్యాథరీన్ నటించింది. ఈ సినిమాలు ఇంకా రిలీజ్ కాకుండానే టాప్ హీరోలతో నటించే ఛాన్స్ కొట్టేసింది. మెగా పవర్ స్టార్ రామ్ చరణ్ నటించబోయే 'టాప్ లేచిపోద్ది' లో ఈ ముద్దుగుమ్మ హీరోయిన్ గా ఎంపికయిందని వార్తలు వస్తున్నాయి. ఇది కాక మరో బంపర్ ఆఫర్ కొట్టేసింది. యంగ్ టైగర్ ఎన్టీఆర్ తో క్యాథరీన్ ఓ సినిమా చేయనున్నట్లు సమాచారం. భవిష్యత్తుల్లో క్యాథరీన్ టాప్ లీగ్ లో చేరడం ఖాయంగా కనిపిస్తోంది. గ్లామర్ ప్రపంచంలో వింత౦టే ఇదే మరీ! సక్సెస్ తో పని లేకుండా గ్లామరస్ హీరోయిన్ గా ముద్ర పడితే చాలు అవకాశాలు అవే వెతుకుంటూ వస్తాయి.