భార్యని అనవసరంగా, ఆధారాల్లేకుండా అనుమానిస్తే సదరు భర్త గారికి ఆమె నిరభ్యంతరంగా విడాకులు ఇచ్చేయొచ్చు. ఈ విషయాన్ని ముంబై హైకోర్టు కోర్టు స్పష్టం చేసింది. ఈ రకంగా తన భార్యకి ఎవరితోనే సంబంధం వుందని ఎలాంటి ఆధారాలూ లేకుండా అనుమానిస్తున్న ఓ భర్త గారి నుంచి ఆయన భార్యకి విడాకులు మంజూరు చేసేసింది. ముంబైకి చెందిన ఒక మగ పురుషుడు తన భార్య మీద అనవసరంగా అనుమానం పెంచుకున్నాడు. తన భార్యకి ఎవరితోనో సంబంధం వుందని ఆయనగారి అనుమానం. ఆ అనుమానంతోనే ఆమెని ఎంతోకాలంగా వేధిస్తున్నాడు. ఈయనగారి వేధింపులు తట్టుకోలేక ఆ భార్యామణి ఈ శాడిస్టుతో నాకు విడాకులు ఇప్పించండి మొర్రో అని ముంబై హైకోర్టును ఆశ్రయించింది. అయితే ఆ భర్త తన భార్య మీద అనుమానం వుందని చెబుతూనే విడాకులు ఇవ్వనని మొండికేశాడు. అయితే హైకోర్టు ఈ కేసును బాగా స్టడీ చేసి, అనవసరంగా అనుమానిస్తున్న భర్తకి నిరభ్యంతరంగా విడాకులు ఇచ్చేయొచ్చంటూ తీర్పు ఇచ్చింది.