హైదరాబాద్ లో సంచలనం సృష్టించిన సాఫ్ట్‌వేర్ ఉద్యోగిని అభయ కిడ్నాప్, అత్యాచారం కేసు నిందితులు సతీష్, వెంకటేశ్వర్లును పోలీసులు బుధవారం ఉదయం మియాపూర్ కోర్టులో హాజరుపరిచారు. నిందితులపై విచారణ జరిపిన కోర్టు 14 రోజుల పాటు రిమాండ్ విధించింది. నిందితుల విచారణ నిమిత్తం రెండు రోజుల పాటు పోలీస్ కస్టడీకి కోర్టు అనుమతిచ్చింది. నిందితులపై గ్యాంగ్‌రేప్, కిడ్నాప్, అక్రమ నిర్బంధం సెక్షన్లతో పాటు నిర్భయ చట్టం కింద పోలీసులు కేసు నమోదు చేశారు. గత రాత్రి నిందితుడు సతీష్ ఇంట్లో సోదాలు నిర్వహించిన పోలీసులకు కీలక ఆధారాలు లభించినట్లు తెలుస్తోంది.