మరో ఆప్ ఎమ్మెల్యేపై కేసు..
posted on Jul 8, 2016 10:27AM
ఆప్ ఎమ్మెల్యేలు ఎప్పుడూ ఏదో ఒక వివాదంలో చిక్కుకుంటూనే ఉంటారు. ఇప్పటికే పలు వివాదాల వల్ల.. చాలా మంది ఎమ్మెల్యేలు పలు కేసుల్లో చిక్కుకున్నారు. ఇప్పుడు తాజాగా మరో ఎమ్మెల్యే కూడా ఈ జాబితాలో చేరాడు. దేవ్లీ నియోజకవర్గం ఎమ్మెల్యే ప్రకాశ్ జార్వాల్ పై కేసు నమోదైంది. తనతో అసభ్యంగా ప్రవర్తించారంటూ ఓ మహిళ గ్రేటర్ కైలాశ్ పోలీసు స్టేషన్ లో ప్రకాశ్ జార్వాల్ పై ఫిర్యాదు చేసింది. దీన్ని స్వీకరించిన పోలీసులు అతనిపై 354, 506, 509 మరియు 34 సెక్షన్ల కింద కేసు పెట్టారు. భద్రతా కారణాల దృష్ట్యా బాధితురాలి వివరాలు వెల్లడించబోమని స్పష్టం చేసిన పోలీసులు, విచారణ అనంతరం తదుపరి చర్యలు తీసుకుంటామని తెలిపారు. గతంలో మహిళా అధికారిపై చెయ్యి చేసుకుని ప్రకాశ్ జార్వాల్ ఓసారి అరెస్టయిన సంగతి తెలిసిందే.