బిఆర్ఎస్ ఎమ్మెల్యే కౌశిక్ రెడ్డిపై దాడి పట్ల సిద్దిపేట ఎమ్మెల్యే హరీష్ రావ్ మండిపడ్డారు. కౌషిక్ రెడ్డిని హౌజ్ అరెస్ట్  చేసిన పోలీసులు ఎమ్మెల్యే అరికపూడి అనుచరులు కౌశిక్ రెడ్డిపై  దాడి చేసినప్పటికీ నిలువరించలేకపోయారని హరీష్ రావ్ అన్నారు. అరికెపూడిపై ఎప్ఐఆర్ నమోదయ్యే వరకు ఇక్కడనుంచి కదిలేది లేదని ఆయన సైబరాబాద్ పోలీసులను హెచ్చరించారు. అరికెపూడిపై హత్యాయత్నం కేసు పెట్టకపోతే న్యాయస్థానాన్ని ఆశ్రయిస్తామని హరీష్ రావు హెచ్చరించారు. కౌశిక్ రెడ్డి ఇంటి గోడ దూకి కాంగ్రెస్ కార్యకర్తలు దాడి చేయడం వెనక ముఖ్యమంత్రి రేవంత్ రెడ్డి ప్రమేయం ఉందన్నారు. పార్టీ మారిన ఎమ్మెల్యేలకు చీరలు, గాజులు బహుకరిస్తానని కౌశిక్ రెడ్డి వ్యాఖ్యలను మహిళా కాంగ్రెస్ కార్యకర్తలు తప్పు పట్టారు. కౌశిక్ రెడ్డి క్షమాపణ చెప్పాలని డిమాండ్ చేస్తూ తెలంగాణ భవన్ ముట్టడించారు. లోపలికి రాకుండా పోలీసులు అడ్డుకున్నారు.