9 ఏళ్ల బాలికపై గ్రామ వాలంటీర్ అత్యాచారం
Published on: Thu Jul 23, 2020 5:43PM
నెల్లూరు జిల్లాలో దారుణమైన ఘటన జరిగింది. బాలికపై ఓ గ్రామ వాలంటీర్ అఘాయిత్యానికి తెగబడ్డాడు. పొదలకూరు మండలం పెదరాజుపాళెంలో 9 ఏళ్ల మైనర్ బాలికపై గ్రామ వాలంటీర్ పవన్కళ్యాణ్ అత్యాచారానికి పాల్పడ్డాడు. బాలిక పరిస్థితి విషమంగా ఉండటంతో బాధితురాలి తల్లిదండ్రులు వెంటనే ఆస్పత్రికి తరలించారు. బాలిక పరిస్థితి చూసి చలించిపోయిన వైద్యులు.. పోలీస్ స్టేషన్ కు ఫోన్ చేసి ఫిర్యాదు చేశారు. సమాచారం అందుకున్న పోలీసులు ఆస్పత్రికి వెళ్లి బాలికను పరిశీలించారు. నిర్భయ చట్టం కింద కేసు నమోదు చేసి వాలంటీర్ పవన్కల్యాణ్ ను అదుపులోకి తీసుకున్నారు.


