అమెరికాలోని నాపా వ్యాలీ ప్రాంతంలో తీవ్ర భూకంపం వచ్చింది. ఆదివారం తెల్లవారు ఝామున వచ్చిన భూకంపం రిక్టర్ స్కేలు మీద 6 పాయింట్లుగా నమోదైంది. ఈ భూకంపం కారణంగా అనేక కట్టడాలు కూలిపోయాయి. ఈ భూకంపం కారణంగా అమెరికాకి దాదాపు ఆరు వేల కోట్ల రూపాయల విలువైన నష్టం వచ్చిందని అధికారులు తెలిపారు. శాన్ ఫ్రాన్సిస్కో ప్రాంతంతో ఇంత తీవ్రతతో భూకంపం రావడం ఇదే ప్రథమం. భూకంపం కారణంగా అనేక నివాసాలు కూలిపోవడంతోపాటు మంచినీళ్ళు, గ్యాస్ సరఫరా చేసే పైపులు కూడా తీవ్రంగా దెబ్బతిన్నాయి. వందమందికి పైగా జనం గాయపడ్డారు. వారిలో కొందరి పరిస్థితి విషమంగా వుంది.