రోడ్డు ప్రమాదం, . అగ్ని ప్రమాదం చోటుచేసు కుంది.. ఎక్కడో హత్య జరిగింది.. గొడవ జరుగుతోంది.. దోపిడీ, దాడి,  వేధింపులు ఇలాంటి అత్యవసర పరిస్థితుల్లో   ఏ నంబర్‌కు ఫోన్‌  చేసి సాయం అడగాలని ఆలోచించనవసరం లేదు. ఏ ఆపదకు ఏ నంబర్ కు ఫోన్ చేయాలన్న వెతుకులాట అవసరం లేదు.  పరిస్థితి ఏదైనా, ప్రమాదం ఏదైనా  సరే..జస్ట్ 112 నంబర్ కు ఫోన్ చేస్తే చాలు.  రాష్ట్రవ్యాప్తంగా అత్యవసర సేవలను మరింత వేగవంతంగా, సమన్వయంతో అందించేందుకు తెలంగాణ పోలీస్‌ శాఖ కొత్త  ఎమర్జెన్సీ రెస్పాన్స్  వ్యవస్థను అందుబాటు లోకి తీసుకొచ్చింది.

ఇప్పటివరకు పోలీస్‌ అత్యవసర సేవల కోసం వినియోగిస్తున్న డయల్‌ 100 స్థానంలో 112 నంబర్‌ ను అమలు చేయనున్నారు.  పోలీస్‌, అంబు లెన్స్‌, అగ్నిమాపక సేవల ను ఒకే ఎమర్జెన్సీ నంబర్‌ పరిధిలోకి తీసుకురావడం ఈ కొత్త వ్యవస్థలో  ప్రత్యేకత. 112కు ఫోన్‌ చేస్తే కేవలం పోలీస్‌ సహాయం మాత్రమే కాదు.. పరిస్థితిని బట్టి అంబులెన్స్‌, ఫైర్‌ సర్వీసులను కూడా సమన్వయం చేసేలా వ్యవస్థను రూపొందించారు. 

రోడ్డు ప్రమాదం జరిగితే క్షతగాత్రులకు వైద్య సహాయం అవసర మైతే అంబులెన్స్‌కు సమాచారం చేరుతుంది. అగ్ని ప్రమాదం జరిగితే ఫైర్‌ సిబ్బందిని అప్రమత్తం చేస్తారు. హత్య, దాడి, దోపిడీ, గొడవలు, మహి ళలు  ఇతరులపై వేధింపులు వంటి ఘటనల్లో సమీపంలోని పోలీసు బృందాలకు సమాచారం చేరవేస్తారు. అంటే ప్రజలు ఏ శాఖకు ఫోన్‌ చేయాలనే ఆలోచన చేయాల్సిన అవసరం లేదు. జస్ట్ 112 నంబర్ కు డయల్ చేసి  సమాచారం అందిస్తే చాలు.. అవసర మైన సేవలను సంబంధిత విభాగాలు సమన్వయం తో అందిస్తాయి.

112కు ఫోన్‌ వచ్చిన వెంటనే ఆ కాల్‌ను తెలంగాణ ఇంటిగ్రేటెడ్‌ కమాండ్‌ కంట్రోల్‌ సెంటర్‌ ద్వారా పర్యవేక్షిస్తారు. కాల్‌ చేసిన వ్యక్తి ఉన్న ప్రాంతాన్ని గుర్తించడంతో పాటు అత్యవసర పరిస్థితి ఏమిటో తెలుసుకుని, ఆ సమాచారాన్ని సమీపంలోని పోలీసు బృందాలకు చేరవేస్తారు. దీంతో ఘటనా స్థలానికి సహాయక బృందా లను వీలైనంత త్వరగా పంపించే అవకాశం ఉంటుంది. కొన్ని అత్యవ సర ఘటనల్లో ఒకే శాఖ సేవలు సరిపోని పరిస్థితి ఉంటుంది. ఉదాహరణకు రోడ్డు ప్రమాదం జరిగితే పోలీసులతో పాటు అంబులెన్స్‌ అవసరం కావచ్చు. అగ్ని ప్రమాదం లో ఫైర్‌ సిబ్బందితో పాటు పోలీసుల సహాయం కూడా అవసరం కావచ్చు. ఇలాంటి సందర్భాల్లో 112 ద్వారా అందిన సమాచా రాన్ని బట్టి సంబంధిత అత్యవసర స్పందన వ్యవస్థలను సమన్వయం చేస్తారు.

రాష్ట్రంలో ఈ సమీకృత అత్యవసర స్పందన వ్యవస్థను డీజీపీ సీవీ ఆనంద్‌ ప్రారంభించారు. ఇప్పటివరకు వేర్వేరుగా కొనసాగుతున్న అత్యవసర స్పందన వ్యవస్థలను ఒకే వేదికపైకి తీసుకురావడం ద్వారా ప్రజలకు వేగంగా, సమర్థవంతంగా సేవలు అందించడమే లక్ష్యంగా పోలీస్‌ శాఖ ఈ కొత్త విధానాన్ని తీసుకొచ్చింది. అత్యవసర పరిస్థితి ఎదురైనప్పుడు పోలీసుల నంబర్‌ ఏంటి, అంబులెన్స్‌ నంబర్‌ ఏంటి, ఫైర్‌ సర్వీస్‌కు ఎలా సమాచా రం ఇవ్వాలి అంటూ అయోమయపడాల్సిన అవసరం ఇక ఉండదు.  ఏ అత్యవసర పరిస్థితి ఎదురైనా 112కు కాల్‌ చేస్తే సంబంధిత సేవలను సమన్వయం చేసి సహాయం అందించేలా కొత్త వ్యవస్థ పనిచేయనుంది.  

112 emergency number india, ERSS helpline telugu, all in one emergency service, 112 india app sos, emergency response support system, single emergency helpline