గ్రీస్ సమీపంలో ఏజియన్ సముద్రంలో జరిగిన పడవ ప్రయాణంలో ఐదుగురు చిన్నపిల్లలతో సహా మొత్తం 10 మంది మరణించారు. ఏజియన్ సముద్రం ద్వారా గ్రీస్ ద్వీపం ఫార్మాకొనిస్సీకి వలస వెళ్తున్నవారి పడవ మునిగిపోవడంతో ఈ దారుణం జరిగింది. పడవ మునిగిపోయిన సమయంలో అటుగా వచ్చిన తీరప్రాంత రక్షక దళ అధికారులు 13 మందిని కాపాడారు. మంగళవారం నాడు టర్కీ సమీపంలో పడవ మునిగిపోయి ఇద్దరు చిన్నారులతో పాటు మొత్తం 11 మంది మరణించారు. ఇంతలోనే మరో దారుణం జరిగింది. ఇరాక్, సిరియాల్లో ఇస్లామిక్ స్టేట్ ఉగ్రవాద దాడులు, అంతర్యుద్ధాల కారణంగా లక్షలాదిమంది యూరోపియన్ దేశాలకు సముద్ర మార్గం ద్వారా ప్రయాణం చేస్తున్నారు. ఈ సందర్బంగా పడవలు మునిగిపోయి ఈ ఏడాదిలోనే దాదాపు ఏడు వందల మందికి పైగా మరణించారు.