త్వరలో తెలంగాణా నోట్: షిండే
Published on: Sat Sep 7, 2013 5:42PM
.jpg)
ఈ రోజు హైదరాబాదులో జరిగిన ఏపీఎన్జీవోల ‘సేవ్ ఆంద్ర ప్రదేశ్’ సభతో సమైక్యాంధ్ర ఉద్యమం పతాక స్థాయికి చేరగా, యాదృచ్చికంగానో లేక ఉద్దేశ్య పూర్వకంగానో హోంమంత్రి షిండే తెలంగాణా నోట్ మొదటి దశ పూర్తయ్యిందని త్వరలోనే మిగిలిన పని కూడా పూర్తి చేసుకొని మంత్రి మండలికి వెళుతుందని తెలిపారు. తెలంగాణా ఏర్పాటుకు రాష్ట్రంలో దాదాపు అన్నిపార్టీలు కూడా సమ్మతించాయని అందువల్ల కాంగ్రెస్ వర్కింగ్ కమిటీ సూచనల ప్రకారమే తెలంగాణా నోట్ తయారవుతోందని ఆయన తెలిపారు. ఇక హైదరాబాదుపై తమ ముందు రెండు ప్రతిపాదనలు ఉన్నాయని, అయితే వాటిపై ఇప్పుడు ఏమీ మాట్లాడలేనని అన్నారు. ముఖ్యమంత్రి కిరణ్ కుమార్ రెడ్డి రాజీనామా చేస్తారనే వార్తలను ఆయన ఖండించారు.


