రుణమాఫీపై కేఈ కీలక ప్రకటన
Published on: Sat Jul 5, 2014 5:26PM

రైతుల రుణమాఫీకి సంబంధించి ఆంధ్రప్రదేశ్ ప్రభుత్వం కీలక ప్రకటన చేసింది. ఈ మేరకు ఆంధ్రప్రదేశ్ ఉప ముఖ్యమంత్రి కేఈ కృష్ణమూర్తి మాట్లాడుతూ, రైతుల రుణాలను పూర్తిగా మాఫీ చేయలేకపోయినా …వారు సంతృప్తి చెందేలా చేస్తామని అన్నారు. తొలి దశలో డెబ్బై ఐదు వేల రూపాయలు, రెండో దశలో మరో డెబ్బై ఐదు వేల చొప్పున రైతులకు రుణాలు మాఫీ అయ్యేలా నిర్ణయం తీసుకోవాలని భావిస్తున్నట్లు తెలిపారు. రుణమాఫీలకు సంబంధించి ప్రభుత్వం మీద రూ.30 వేల కోట్ల వరకు భారం పడుతుంది. అసలే పదిహేను వేల కోట్ల లోటు బడ్జెట్ లో ఉన్న ఆంధ్రప్రదేశ్ ప్రభుత్వానికి ఈ మాత్రం చేయడం గొప్ప విషయమే. రైతుల రుణమాఫీకి సంబంధించి ఎన్నికల్లో హామీ ఇచ్చిన మేరకు దానిని చేసి తీరాలని చంద్రబాబు నాయుడు భావిస్తున్నారు.


