బాలీవుడ్‌లో హాట్ హీరోయిన్‌గా పేరు తెచ్చుకున్న సోనాక్షి సిన్హాకి కుర్ర హీరోల కంటే అంకుల్స్ హీరోలంటేనే ఎక్కువ ఇష్టమట. అలాంటి వాళ్ళ సరసన నటించడమంటేనే ఇష్టమని కొన్ని పేర్ల లిస్టు కూడా చెప్పింది. సోనాక్షి ఇప్పటికే తన తండ్రి శత్రుఘ్న సిన్హా కంటే ఎక్కువ వయసున్న రజనీకాంత్‌తో కలసి నటించడానికి అంగకరించిందని సమాచారం. అలాగే ‘రియో 2’ అనే హాలీవుడ్ సినిమాలో సోనాక్షి నటించింది. ఆ అనుభవం గురించి చెబుతూ, హాలీవుడ్‌లో ఎక్కువ సినిమాల్లో నటించాలన్న ఆసక్తి ‘రియో 2’లో నటించాక నాకు కలిగింది. హాలీవుడ్‌లో జార్జ్ కూలెనీ, బ్రాడ్ పిట్, టామ్ క్రూయిజ్ లాంటి అంకుల్స్ పక్కన హీరోయిన్‌గా నటించాలని ఆశిస్తున్నాను అని సోనాక్షి చెప్పింది.