రాజ్యసభలో సచిన్, రేఖ సాధించిందేమిటి?
Published on: Tue Jul 22, 2014 3:13PM
సెలబ్రిటీలు రాజ్యసభకు నామినేట్ కావడం, గెస్టుల్లాగా రాజ్యసభకు వచ్చి వెళ్ళడం.. ఇది ఎప్పటినుంచో జరుగుతున్న తంతు. ఆమధ్య రాజ్యసభకు నామినేట్ అయిన క్రికెట్ సచిన్ టెండూల్కర్, నటి రేఖ పరిస్థితి కూడా అదే! సచిన్ టెండూల్కర్, రేఖలను యుపిఎ ప్రభుత్వం రాజ్యసభకు నామినేట్ చేసింది. 2012 ఏప్రిల్ 12వ తేదీన రాజ్యసభకు నామినేట్ అయిన సచిన్ ఇప్పటి వరకు మూడుసార్లు మాత్రమే సభకు వచ్చారు. క్రికెట్ నుంచి రిటైర్ అయిన తర్వాత ఒక్కసారి మాత్రమే రాజసభ సమావేశాలకు హాజరయ్యారు. మొత్తమ్మీద ఈ రెండున్నరేళ్ళలో టెండూల్కర్ మూడు సార్లు, రేఖ వారం రోజులు హాజరయ్యారు. మోడీ ప్రభుత్వం ఏర్పడిన తర్వాత వీరిద్దరూ సభలోకి అడుగుపెట్టలేదు. రాజ్యసభకు ఎన్నికైన సెలబ్రిటీలు బాధ్యతగల రాజ్యసభ సభ్యులుగా వ్యవహరిస్తే బాగుంటుందన్న అభిప్రాయాలు వ్యక్తమవుతున్నాయి.
