పదకొండు మంది శివసేన ఎంపీలు ఢిల్లీలోని న్యూ మహారాష్ట్ర సదన్‌లో తమకు సంప్రదాయ వంటలు వడ్డించలేదన్న నెపంతో ఒక ముస్లిం వ్యక్తికి రోటీ తినిపించి రంజాన్ ఉపవాస దీక్షను భగ్నం చేసిన అంశం పార్లమెంటులో దుమారం రేపింది. మత స్వేచ్ఛను శివసేన ఎంపీలు కాలరాశారని విరుచుకుపడ్డారు. శివసేన ఎంపీలపై చర్య తీసుకోవాలని డిమాండ్ చేశారు. దీంతో సభలో గందరగోళం చెలరేగింది. ఈ రోటీ వివాదం రగిలి వివాదంలా మిగిలింది. బుధవారం నాడు పార్లమెంటు ఉభయ సభల్లో ప్రతిపక్షాలు ఈ అంశం మీద హోరు చేశాయి. బీజేపీ నాయకుడు ఎల్.కె.అద్వానీ ఈ రోటీ సంఘటన మీద తన విచారాన్ని వ్యక్తం చేశారు. అలా జరిగి వుండాల్సింది కాదని ఆయన అభిప్రాయపడ్డారు. ఈ వివాదం ఎలా సమసిపోతుందో చూడాలి.