మొన్నటి వరకూ ట్విట్టర్‌లో టీఆర్ఎస్ నాయకుడు, తెలంగాణ ముఖ్యమంత్రి కేసీఆర్ మీద మాటల బాణాలు వదిలిన దర్శకుడు రామ్‌గోపాల్ వర్మ ఇప్పుడు ట్విట్టర్ వేదిక మీద కేసీఆర్ భజన మొదలుపెట్టాడు. కేసీఆర్‌కి అభిమానిగా మారిపోయినట్టుగా ట్విట్ చేశాడు. ‘‘తెలంగాణ ముఖ్యమంత్రి కేసీఆర్ బాగా పనిచేస్తున్నాడు. గాంధీ, బాల్ థాక్రే కంటే కేసీఆరే బాగా పనిచేస్తున్నాడు. ఆయన్ని చూసి చంద్రబాబు నాయుడు నేర్చుకోవాల్సింది చాలా వుంది. అయితే నేను చంద్రబాబు నాయుడిని తప్పు పట్టడం లేదు. నేను హైదరాబాద్‌లో పుట్టి పెరిగాను కాబట్టి నేను తెలంగాణవాడిని’’ అని వర్మ ట్విట్ చేశాడు. అసలు ఈ ట్విట్ ఎందుకు చేశాడో, దీని వెనుక వర్మ అంతరార్థమేమిటి అనేది ఆయనకే తెలియాలి.