ఆసియా క్రీడల్లో చరిత్ర సృష్టించిన పీవీ సింధు
Published on: Mon Aug 27, 2018 2:35PM

ఆసియా క్రీడల్లో భారత బ్యాడ్మింటన్ క్రీడాకారిణి పీవీ సింధు చరిత్ర సృష్టించింది.. ఆసియా క్రీడల చరిత్రలో ఫైనల్ చేరిన తొలి భారత బ్యాడ్మింటన్ క్రీడాకారిణీగా సింధు నిలిచింది.. ఇండోనేషియా వేదికగా జరుగుతోన్న 18వ ఆసియా క్రీడల్లో మహిళల సింగిల్స్లో సెమీఫైనల్లో పీవీ సింధు, ప్రపంచ నం.2 అకానె యమగూచి(జపాన్) పై ఘన విజయం సాధించి ఫైనల్లో అడుగుపెట్టింది.. ఇప్పటి వరకూ ఆసియా క్రీడల్లో భారత్ తరపున మహిళల, పురుషుల సింగిల్స్లో ఫైనల్ చేరిన వారు లేరు.. ఆ లోటుని పీవీ సింధు తీర్చి చరిత్ర సృష్టించింది.. మరోవైపు మంగళవారం ఫైనల్ జరగనుంది.. ఈ పోరులో సింధు, ప్రపంచ నంబర్వన్ క్రీడాకారిణి తై జు యింగ్తో తలపడనుంది.. ఇప్పటి వరకు ఈ ఇద్దరూ 12 సార్లు తలపడగా తై జు యింగ్ అత్యధికంగా 9 సార్లు విజయం సాధించింది.. మరి ఈసారి పీవీ సింధు విజయం సాధించి భారత్ కు స్వర్ణం సాధించిపెడుతుందేమో చూడాలి.


