అండమాన్ లో పడవ బోల్తా: 32మంది మృతి
Published on: Mon Jan 27, 2014 10:58AM

బంగాళఖాతం సముద్ర౦లో పర్యాటకులు ప్రయాణిస్తున్న పడవ బోల్తా పడడంతో 32మంది మృత్యువాత పడ్డారు. ప్రమాదం జరిగిన సమయంలో పడవలో 45 మందికి పైగా పర్యాటకులున్నారని స్థానిక వర్గాలు తెలిపాయి. ఆదివారం సాయంత్రం 4 గంటల ప్రాంతంలో ఈ ప్రమాదం సంభవించినట్లు సమాచారం. పడవ సామర్ధ్యానికి మించి ప్రయాణికులు ఎక్కడంతో ఈ ప్రమాదం జరిగిందని భావిస్తున్నారు. ప్రమాదంలో చిక్కుకున్న వారిని రక్షించడానికి చర్యలు చేపట్టారు. ప్రాణాలతో బయటపడిన వారిలో ఇద్దరు మహిళలు, ఇద్దరు చిన్నారుల పరిస్థితి విషమంగా ఉంది. పర్యాటకుల్లో 30 మందితోకూడిన ఒక బృందం తమిళనాడులోని కాంచీపురం జిల్లాకు చెందినవారని... ప్యాకేజీ టూర్పై గురువారంనాడు పొర్ట్ బ్లెయిర్కు వచ్చారు. ఈ దుర్ఘటనపై దేశ ప్రధాని మన్మోహన్ సింగ్, రాష్ట్ర ముఖ్యమంత్రి జయలలిత సంతాపం ప్రకటించారు. మృతుల కుటుంబాలకు తమిళనాడు ప్రభుత్వం లక్ష పరిహారంగా ప్రకటించింది.


