హీరో ఉదయ్ కిరణ్ ఆత్మహత్యకు ప్రధాన కారణం ఆర్ధికసమస్యలేనని పోలీసులు...మీడియాలో కూడా ప్రచారం జరుగుతోంది. కాని ఆయన మాజీ మేనేజర్ మాత్రం అది అసలు సమస్యేకాదని అంటున్నాడు. ఉదయ్‌కిరణ్ ఎవరో అనుమానించారనో, అప్పులు చెల్లించలేకో, సినిమాల్లో అవకాశాలు రాలేదనో ఆత్మహత్య చేసుకునేంత పిరికివాడు కాదని చెబుతున్నాడు. ఆయనకు ఉన్న భూముల్లో ఏ స్థలం అమ్మినా అప్పులు తీరిపోతాయని అంటున్నాడు . ఆయన ఆత్మహత్య వెనుక ఫైనాన్సియర్ల ఒత్తిడి ఉందన్న వార్తల్లో వాస్తవం లేదని చెబుతున్నాడు. ఆయనకు సినిమా అవకాశాలు వచ్చినా కథ నచ్చకపోవడం వల్లే అంగీకరించలేదని..ఆత్మహత్యకు ఏదో బలమైన కారణం ఉండే ఉంటుందని అనుమానం వ్యక్తం చేశాడు.