బెయిల్ ఫర్ సేల్ స్కామ్‌లో అరెస్ట్ అయిన మాజీ జడ్జి పట్టాభిరామారావును రెండు రోజుల ఏసీబీ కస్టడీకి అప్పగిస్తూ శుక్రవారం ఉద యం కోర్టు ఉత్తర్వులు జారీ చేసింది. వైద్యులు, న్యాయవాదుల సమక్షంలో విచారణ జరగనుంది. ఉదయం 11 నుంచి సాయంత్రం 5 గంటల వరకు పట్టాభిని ఏసీబీ ప్రశ్నించనుంది.  గాలి బెయిల్ వ్యవహారంలో పట్టాభి రామారావునే అంతిమ లబ్ధిదారని ఏసీబీ కోర్టుకు తెలిపింది. పట్టాబి రామారావుతో సంప్రదింపులు జరిపింది ఎవరో తేలాలంటే కస్టడీకి అప్పగించాలని ఏసీబీ కోర్టును కోరింది. ఇప్పటికే ఈ కేసులో పట్టాభి కుమారుడు రవిచంద్ర, రిటైర్డ్‌ జడ్జి చలపతిరావులను కస్టడీకి తీసుకుని విచారించిన విషయం తెలిసిందే. కాగా పట్టాభి రామారావును విచారించిన అనంతరం వైద్య పరీక్షలు నిర్వహించి అనంతరం జైలుకు తరలించాలని కోర్టు ఏసీబీని ఆదేశించింది.