యంగ్ టైగర్ ఎన్టీఆర్ 'రామయ్యా వస్తావయ్యా' టీజర్ రిలీజైంది. జూనియర్ ఎన్టీఆర్ బర్త్ డే కానుకగా ఈ టీజర్ ను విడుదల చేశారు. ఈ టిజర్ లో ఎన్టీఆర్ సూపర్ గా వున్నాడనే అభిప్రాయం అభిమానుల నుంచి వ్యక్తమవుతోంది. టీజర్ లో 'బుడ్డోడు' అన్న దాని మీద ఓ పవర్ ఫుల్ డైలాగ్ పేల్చాడు ఎన్టీఆర్. ''ఎవడు పడితే వాడు బుడ్డోడు,బుడ్డోడు అని అంటే గుడ్డలూడతీసి కొడత..అలా పిలవాలంటే ఓ అర్హత ఉండాలి, లేదా నా అభిమాని అయ్యుండాలి'' ఈ డైలాగ్ సోషల్ నెట్ వర్కింగ్ సైట్ లలో హాట్ గా మారింది. ఈ సినిమా షూటింగ్ ప్రస్తుతం రామోజీ ఫిల్మ్‌సిటీలో శరవేగంగా జరుగుతుంది. 'బాద్‌షా' వంటి బ్లాక్‌బస్టర్ తర్వాత ఎన్టీఆర్, 'గబ్బర్‌సింగ్' వంటి టాప్ గ్రాసర్ తీసిన హరీశ్ శంకర్ కాంబినేషన్‌లో వస్తున్న సినిమా కావడంతో, దీనిపై అంచనాలు భారీగా ఉన్నాయి.