మోడీ తల్లికి నవాజ్ షరీఫ్ కానుక
Published on: Fri Jun 6, 2014 2:35PM
.jpg)
భారత ప్రధాని నరేంద్రమోడీ తన ప్రమాణ స్వీకారోత్సవానికి పాకిస్థాన్ ప్రధాని నవాజ్ షరీఫ్ని ఆహ్వానించి తన స్నేహధర్మాన్ని చాటారు. ఇప్పుడు నవాజ్ షరీఫ్ కూడా ఆ స్నేహధర్మాన్ని కొనసాగిస్తున్నారు. ఆయన మోడీ తల్లికి ఒక అందమైన చీర పంపించారు. ఈ విషయాన్ని మోడీ వెల్లడించారు. ‘పాకిస్థాన్ ప్రధాన మంత్రి నవాజ్ షరీఫ్ మా అమ్మ కోసం అందమైన తెల్ల చీర పంపారు’ అని నరేంద్ర మోడీ ట్విట్టర్లో వెల్లడించారు. నవాజ్ షరీఫ్ ఇండియాకి వచ్చినప్పుడు ఆయన తల్లికి మోడీ ఒక అందమైన శాలువా పంపించారు. దానికి బదులుగా ఇప్పుడు షరీఫ్ మోడీ మాతృమూర్తి హీరాబెన్కు షరీఫ్ అద్భుతమైన తెల్లని చీరను బహూకరించారు. ఇదిలా వుంటే, మోడీ తన నానమ్మకు పంపిన షాల్ చాలా బాగుందంటూ నవాజ్ షరీఫ్ కూతురు మార్యమ్ నవాజ్ షరీఫ్ కూడా గతంలో ఒక ట్వీట్ పోస్ట్ చేశారు. ‘మీరు నానమ్మకు పంపిన బహుమతికి థాంక్యూ వెరీమచ్ పీఎం నరేంద్రమోడీ.. మా నాన్నగారు దాన్ని స్వయంగా మా నానమ్మకి ఇచ్చారు’ అని ఆమె ట్వీట్ చేశారు.


