జాకీచాన్ కుమారుడు జేసీ చాన్ అరెస్ట్
posted on Aug 18, 2014 4:58PM
సూపర్స్టార్ జాకీచాన్కి సన్ స్ట్రోక్ తగిలింది. సన్ స్ట్రోక్ అంటే ఎస్ యు ఎన్ కాదు.. ఎస్ ఎ ఎ... అంటే, జాకీచాన్ పరువు ఆయనగారి ముద్దుల కొడుకు జేసీ చాన్ కారణంగా మంటగలిసిపోయిందన్నమాట. కుమారుడు జేసీ చాన్ ను చైనా పోలీసులుఅదుపులోకి తీసుకున్నారు. నిషేధిత మాదక ద్రవ్యాలను వినియోగిస్తున్న నేరం మీద అతన్నిపోలీసులు అరెస్ట్ చేశారు. సినిమా, బుల్లి తెరపై తనకంటూ ప్రత్యేక స్థానం ఏర్పరుచుకున్న జేసీ చాన్, అతని స్నేహితుడైన తైవాన్ మూవీ స్టార్ కై కో చెన్ తుంగ్తో కలిసి వస్తుండగా వారిద్దరూ పోలీసులకు పట్టుబడ్డారు. ప్రతీ రోజూ క్రమం తప్పకుండా సోషల్ మీడియాలో పోస్ట్ చేసే ఈ హీరో కామెంట్లు గత మంగళవారం నుంచి వెలుగుచూడలేదు. దాంతో జాయ్ సీ చాన్ ఎక్కడకి వెళ్ళాడా అన్న సందేహాలు అభిమానులలో కలిగాయి. అయితే తాజాగా గత మంగళవారం నుంచి అతను పోలీసుల అదుపులో వున్న విషయం తాజాగా వెల్లడయింది.