సరయూ నదిలో వేద విద్యార్థుల గల్లంతు!
Published on: Wed Jul 2, 2014 10:41AM

బియాస్ నదిలో అకస్మాత్తుగా నీటి ప్రవాహం రావడంతో 23 మంది తెలుగు విద్యార్థులు, ఒక ఉపాధ్యాయుడు మరణించారు. నిన్నొగాక మొన్న నల్గొం జిల్లాలోని దిండి ప్రాజెక్టులో ఐదుగురు ఇంజనీరింగ్ విద్యార్థులు కొట్టుకుపోయి మరణించారు. ఇలాంటి సంఘటనలు వెంటవెంటనే జరుగుతున్నా విద్యార్థులు వాటి నుంచి గుణపాఠాలు నేర్చుకోవడం లేదు. అందుకే అలాంటి ప్రమాదమే మరొకటి జరిగింది. హైదరాబాద్ మల్కాజ్గిరిలోని వేదపాఠశాల నుంచి దాదాపు 50 మంది విద్యార్థులు ఉత్తరప్రదేశ్లోని అయోధ్యకు వెళ్లారు. అందులో భాగంగా బుధవారం ఉదయం ఫోటో దిగేందుకు సరయూ నదిలోకి దిగారు. ఇంతలో బియాస్ నది తరహాలోనే అకస్మాత్తుగా నీటి ప్రవాహం వచ్చేసంది. ఆ ప్రవాహంలో ఇద్దరు విద్యార్థులు గల్లంతయ్యారు. తోటి విద్యార్థులు హాహాకారాలు చేయడంతో స్థానికులు నదిలోకి దూకి... గల్లంతైన విద్యార్థులు కోసం తీవ్రంగా గాలిస్తున్నారు. గల్లంతైన విద్యార్థులు మల్కాజ్గిరికి చెందిన కిరణ్, చక్రపాణి అని తెలుస్తోంది.


