అక్రమ గనుల తవ్వకాల కేసులో చంచల్ గూడ జైల్‌లో వున్న కర్ణాటక మాజీ మంత్రి గాలి జనార్ధన్‌రెడ్డి వచ్చే సంవత్సరం మేలో జరిగే కర్ణాటక అసెంబ్లీ ఎన్నికలలో బదవ శ్రామిక రైత కాంగ్రెస్‌ తరపున పోటీ చేయనున్నారు. గత సంవత్సరం సెప్టెంబర్‌లో గనుల కేసులో సిబిఐ జనార్ధన్‌రెడ్డిని అరెస్టు చేసింది. ఏడాది కాలంగా ఆయన జైలులోనే ఉన్నారు. అయితే జనార్థన్‌రెడ్డి వచ్చే ఎన్నికలలో బిఎస్‌ఆర్‌ కాంగ్రెస్నుండి బళ్ళారి, కుష్తాగి, చిత్ర దుర్గా నియోజకవర్గాలలో ఏదో ఒకచోట నుండి పోటీచేయనున్నారు. ఎక్కడ నుంచి పోటీచేసేది ఆయన నిర్ణయంపైనే ఉంటుందని’ ఆయన సోదరుడు, బళ్ళారి ఎంఎల్‌ఎ జి సోమశేఖరరెడ్డి తెలిపారు.