త్రిముఖ పోటీ నడుమ ఉత్కంఠను రేపుతున్న ఢిల్లీ శాసనసభ ఎన్నికల పోలింగ్ ప్రారంభమైంది. ఢిల్లీలో మొత్తం 70 అసెంబ్లీ స్థానాలకు ఎన్నికలు జరుగుతుండగా, 810 మంది అభ్యర్థులు బరిలో ఉన్నారు. 1.20 కోట్ల మంది తమ ఓటు హక్కును వినియోగించుకోనున్నారు. ఎన్నికల కోసం అధికారులు 11,992 పోలింగ్ బూత్‌లను ఏర్పాటు చేశారు. ఎలాంటి అవాంఛనీయ సంఘటనలు జరుగకుండా 70 వేల మంది పోలీసులతో భారీ భద్రత ను ఏర్పాటు చేశారు. ఉదయం నుంచి ఓటర్లు పోలింగ్ బూత్‌ల వద్దకు చేరుకుని తమ ఓటు హక్కును వినియోగించుకుంటున్నారు. ఆమ్ఆద్మీ పార్టీ అధినేత కేజ్రీవాల్, ఢిల్లీ ముఖ్యమంత్రి అభ్యర్థి హర్షవర్థన్, పలువురు ముఖ్యులు తమ ఓటు హక్కును వినియోగించుకున్నారు.