సినీ నటుడు, దర్శకుడు ఏవీఎస్ తీవ్ర అస్వస్థతకు గురై హైద్రాబాద్‌లోని ఓ ప్రైవేటు ఆసుపత్రిలో చికిత్స పొందుతున్నారు. కాలేయ సంబంధిత అనారోగ్యంతో ఏవీఎస్‌ బాధపడ్తున్నారు. కొంతకాలం క్రితం తీవ్ర అస్వస్థతకు గురైన ఏవీఎస్‌కి అప్పట్లో కాలేయ మార్పిడి చికిత్స కూడా జరిగింది. ఆయన కుమార్తె, తన తండ్రికి తన కాలేయంలోని కొంత బాగాన్ని దానం చేయడంతో, ప్రాణాపాయం నుంచి అప్పట్లో ఏవీఎస్‌ కోలుకున్నారు. మరోమారు కాలేయ సంబంధిత అనారోగ్యం తలెత్తడంతో ఏవీఎస్‌ ఆరోగ్య పరిస్థితి విషమించింది. వైద్యులు ప్రస్తుతం చికిత్స అందిస్తున్నారు.ఏవీఎస్ త్వరగా కోలుకుని, తిరిగి తెలుగు ప్రేక్షకులకు వినోదాన్ని పంచాలని ఆకాంక్షిద్దాం.