కిరణ్ జగమొండి..!

ముఖ్యమంత్రి కిరణ్ రెడ్డి ఇంత వరకూ రాష్ట్ర సమైక్యత కోసం సాధించింది ఏమీ లేదు.. తాను వ్యక్తిగతంగా సమైక్యవాదిని అని ముఖ్యమంత్రి చెప్పుకొంటున్నా.. ఇంత వరకూ ఆయన విభజనకు వ్యతిరేకంగా చేసింది ఏమీ లేదు. ముఖ్యమంత్రి ఇంత వరకూ కేవలం మాటల వరకే పరిమితం అయ్యాడు. అయితే.. ముఖ్యమంత్రిని సమైక్యవాదిగా పొగిడే కాంగ్రెస్ నేతలు మాత్రం ఎక్కువమందే ఉన్నారు. ఇలాంటి వారిలో ఒకరు శివరామిరెడ్డి. ఈ కాంగ్రెస్ ఎమ్మెల్సీ ముఖ్యమంత్రి కిరణ్ కుమార్ రెడ్డి జగమొండి అని వ్యాఖ్యానించాడు. రాష్ట్ర సమైక్యత కోసం కిరణ్ పోరాడుతున్నాడని శివరామిరెడ్డి అన్నాడు. కిరణ్ సమైక్యవాదులలో కూడా గట్టి సమైక్యవాది అని ఆయన విభజనకు ఒప్పుకుంటారని తాను అనుకోవడం లేదని శివరామిరెడ్డి చెబుతున్నాడు. ఈ విధంగా తాను కిరణ్ భక్తుడేనని శివరామిరెడ్డి చెప్పినట్టు అయ్యింది.