బ్యాంకు నోటీసులు: అడ్డంగా ఆరిపోయిన వినోద్ కాంబ్లి!

దురలవాట్లు మనిషిని ఎంత పతనానికి గురిచేస్తాయో చెప్పడానికి ఎన్నో ఉదాహరణలు కనిపిస్తాయి. వాటిలో ది బెస్ట్ ఉదాహరణగా నిలిచే అర్హతను సాధించిన వ్యక్తి మాజీ క్రికెటర్ వినోద్ కాంబ్లి. వినోద్ కంబ్లి చిన్ననాటి మిత్రుడైన సచిన్ టెండూల్కర్ తన జీవితాన్ని క్రమశిక్షణతో మలచుకుని ఆకాశమంత ఎత్తుకు ఎదిగిపోతే, వినోద్ కాంబ్లి మాత్రం అద్భుతమైన కెరీర్ వున్నప్పటికీ దురలవాట్లతో, విచిత్రమైన వ్యవహారశైలితో పాతాళానికి దిగజారిపోయాడు. ఇలాంటి వాడితో ఫ్రెండ్‌షిప్ ఎందుకని సచిన్ టెండూల్కర్ కూడా కాంబ్లిని పట్టించుకోవడం మానేసి చాలాకాలమైంది. ఇదిలా వుంటే ఇంటి, వాహన రుణ వాయిదాలు చెల్లించడం లేదని దాంబివ్లీ నగరి సహకారి బ్యాంక్ కాంబ్లి దంపతులకు నోటీసులు జారీ చేసింది. బ్యాంకు అధికారులు పలుమార్లు విజ్క్షప్తి చేసినా.. వాయిదాల చెల్లించడానికి నిరాకరించడంతో బ్యాంకు ఆస్తుల జప్తు నోటీసులు జారీ చేసింది. ప్రస్తుతం కాంబ్లికి పైసా సంపాదన లేదు. దురలవాట్లు భారీ స్థాయిలో వున్నాయి. అప్పులు కూడా గుండె పగిలిపోయే రేంజ్‌లో వున్నాయి. ఈ నేపథ్యంలో ఇంటి, వాహనం వాయిదాలు కూడా కట్టలేని స్థితికి కాంబ్లి చేరుకున్నాడు. దీనికితోడు మొన్నీమధ్య కాంబ్లికి గుండెపోటు కూడా వచ్చింది. ఆమధ్య తప్పతాగి తన అపార్ట్.మెంట్‌లోనే నానా గందరగోళం సృష్టించాడు. క్రికెట్‌గా ఎన్నో సెంచరీలు కొట్టిన కాంబ్లి వ్యక్తిగా మాత్రం డక్కౌట్ అయ్యాడు. ఏం లైఫ్‌రా భగవంతుడా!