వారం రోజుల క్రితం బెంగుళూరులోని విబ్జియార్ పాఠశాలలో ఆరేళ్ళ బాలికపై స్కూలులో అత్యాచారం జరిగింది. స్కూలులో పనిచేసే సిబ్బందే అత్యాచారం చేశారని స్కూలు పేరెంట్స్ తల్లిదండ్రులు నిరసన కార్యక్రమాలను చేపట్టారు. ఆందోళన కార్యక్రమాలు తీవ్రం కావడంతో సదరు పాఠశాల ఛైర్మన్ రుస్తుం కేర్వాలాను పోలీసులు అరెస్టు చేశారు. పాఠశాల యాజమాన్యాన్ని కాపాడటానికి రాష్ట్ర ప్రభుత్వం ప్రయత్నిస్తోందన్న ఆరోపణలు వెల్లువెత్తిన నేపథ్యంలో పాఠశాల ఛైర్మన్‌ని అరెస్టు చేయాలంటూ ఆదేశాలు జారీ చేయక రాష్ట్ర ప్రభుత్వానికి తప్పలేదు. దారుణమైన అత్యాచార సంఘటనపై కర్నాటక ప్రభుత్వం నిర్లక్ష్య వైఖరి ప్రదర్శిస్తోందని ఆందోళనకారులు విమర్శిస్తున్నారు.