బాలాపూర్ లడ్డూ రూ.9.26 లక్షలు
posted on Sep 18, 2013 2:33PM
బాలాపూర్ వినాయకుడు అంటేనే హైదరాబాద్ పట్టణంలో ప్రత్యేక ఆకర్షణ. అత్యంత పెద్దదయిన ఖైరతాబాద్ వినాయకుడి తరువాత రాష్ట్రంలో ఆతరువాత ఎక్కువగా ఆకర్షించేది బాలాపూర్ వినాయకుడే. బాలాపూర్ లడ్డూ వేలమే ఆ వినాయకుడికి ప్రత్యేక గుర్తింపును తెచ్చింది. ప్రతి ఏటా ఈ గ్రామస్తులే ఆ లడ్డూను దక్కించుకుంటారు.
ఈ సారి దానికి భిన్నంగా రూ.9.26 లక్షలకు మాజీ మేయర్ తీగల కృష్ణారెడ్డి దక్కించుకున్నారు. గత ఏడాది ఈ లడ్డూ రూ.7.5 లక్షల రూపాయలకు గ్రామస్తుడు దక్కించుకున్నారు. ఈ లడ్డూను దక్కించుకుని పొలంలో చల్లుకుంటే పంటలు బాగా పండుతాయని, ఇంట్లో అన్నీ శుభాలే జరుగుతాయని ప్రతీతి. రియల్ ఎస్టేట్, రియల్ భూం నేపథ్యంలో మిగత చోట్ల ఇంతకంటే ఎక్కువ ధరకు లడ్డూలు వేలంలో అమ్ముడుపోయినా..బాలాపూర్ లడ్డుకు మాత్ర ఆ మచ్చ అంటలేదు.