ప్రముఖ నటుడు, తెలుగుదేశం నేత నందమూరి బాలకృష్ణ ఇంట పెళ్లి సందడి మొదలు కానుంది. బాలకృష్ణ చిన్నకుమార్తె తేజస్విని వివాహం నిశ్చయమైంది. గీతం విద్యా సంస్థల అధినేత, ప్రముఖ పారిశ్రామికవేత్త, మాజీ ఎమ్.పి ఎమ్.వి.వి.ఎస్.మూర్తి మనుమడు శ్రీభరత్ తో తేజస్విని వివాహం నిశ్చయించారు.బాలకృష్ణ పెద్ద కుమార్తెను చంద్రబాబు నాయుడు కుమారుడు నారా లోకేష్ కు ఇచ్చిన సంగతి తెలిసిందే. ఇప్పుడు రెండో కుమార్తె పెళ్లి కూడా చేయబోతున్నారు. అయితే అబ్బాయి శ్రీభరత్ కేంద్ర మంత్రి కావూరి సాంబశివరావుకు కూడా మనవడు కావడం విశేషం. ఇరుకుటుంబాలు వీరి పెళ్లికి అంగీకరించాయని నెల క్రితమే వార్తలు వచ్చాయి. అమెరికాలో ఇండస్ట్రియల్ ఇంజనీరింగ్ చేసిన శ్రీభరత్ గీతం పాలకమండలి సభ్యుడిగా ఉన్నారు.