శాంతికాములు కాబట్టే సభ: డీఎస్
Published on: Sun Sep 8, 2013 11:41AM
.jpg)
తెలంగాణ ప్రజలు శాంతికాములు కాబట్టి ఏపీఎన్జీవోలు హైదరాబాద్ సభలో అవసరానికి కంటే ఎక్కువ మాట్లాడినప్పటికీ ప్రజలు సంయమనం పాటించి మరోసారి తెలంగాణ సంస్కృతిని చాటారని పీసీసీ మాజీ అధ్యక్షుడు, ఎమ్మెల్సీ ధర్మపురి శ్రీనివాస్ అన్నారు. రాష్ట్రం ఏర్పడినప్పటికీ తెలంగాణలో ఉన్న సీమాంధ్రులతో అన్నదమ్ముల్లా కలిసి ఉంటామనే విధంగా ఇక్కడి ప్రజలు సంయమనం పాటించి నిరూపించారన్నారు. తెలంగాణ ఏర్పాటు ప్రక్రియ ముందుకు సాగుతున్న తరుణంలో రాష్ట్రాన్ని విభజిస్తే హైదరాబాద్లో మిలియన్ మార్చ్ నిర్వహిస్తామని సభలో కొంతమంది హెచ్చరించడం సరైన పద్ధతి కాదన్నారు. సభలో కానిస్టేబుళ్లు జై తెలంగాణ అంటే వారిని చిరునవ్వుతో వీపు తట్టి బయటకు పంపించకుండా పోలీసులు చితకబాదడం ఎంతవరకు సమంజసమని ఆయన ప్రశ్నించారు.రెండు రాష్ట్రాలు ఏర్పడి నా ప్రేమాభిమానాలతో ఉండే సంస్కృతి గలవారు తెలంగాణ ప్రజలని, విడిపోయి అన్నదమ్ముల్లా కలిసి ఉందామని ఏపీఏన్జీవోలకు చేతులు జోడించి విజ్ఞప్తి చేస్తున్నాన్నారు.


