శాసనసభ సోమవారానికి వాయిదా
Published on: Fri Dec 13, 2013 3:25PM
.jpg)
శాసనసభ సమావేశాలు సోమవారానికి వాయిదా పడ్డాయి. తెలంగాణ, సమైక్యాంధ్ర నినాదాలతో హోరెత్తింది. అసెంబ్లీలో సమైక్య తీర్మానం చేయాలని సీమాంధ్ర ప్రాంత శాసనసభ్యులు, తెలంగాణ బిల్లు పెట్టి చర్చకు అనుమతించాలని తెలంగాణ ప్రాంత శాసనసభ్యులు నినాదాలు చేశారు. దీంతో సభలో గందరగోళ వాతావరణం ఏర్పడింది. ఇటీవల వచ్చిన తుఫానుల కారణంగా నష్టపోయిన అంశంపై చర్చకు సహకరించాలని స్పీకర్ నాదెండ్ల మనోహర్ కోరినా సభ్యులు వినిపించుకోలేదు. సభ సజావుగా సాగేందుకు సహకరించాలని ఉప సభాపతి, మంత్రి శ్రీధర్ బాబు కోరిన ఎమ్మెల్యే లు ఆందోళనను మానలేదు. దాంతో సభను సోమవారానికి వాయిదా వేశారు.


