కసబ్ కు ఉరిశిక్ష, సంబరాల్లో ముంబయి
Published on: Wed Nov 21, 2012 2:13PM

కసబ్ ఉరిశిక్ష అమలుపై ముంబయి నగరం సంబరాలు జరుపుకుంది. ఈ రోజు కసబ్ ను ఉరితీశారన్న వార్త వెలువడిన వెంటనే జనం వీధుల్లోకి వచ్చి బాణసంచా కాల్చి ఆనందంలో మునిగి తేలారు. దక్షిణ ముంబయిలోని ముస్లీంలతో పాటు అన్ని వర్గాల ప్రజలు ఈ చర్య పై సంతోషాన్ని వ్యక్తం చేశారు. కార్యాలయాకు భోజనం తీసుకువెళ్ళే డబ్బావాలాలు కసబ్ ఫోటోలను దహనం చేసి రోడ్లపై నృత్యాలు చేశారు. బెస్ట్ బస్సుల్లో ప్రయాణికులు ఒకరికొకరు అభినందనలు తెలుపుకున్నారు. శివసేనతోపాటు పలు పార్టీల నేతలు ఉరిశిక్ష అమలును స్వాగతించారు.


