Karthika Deepam2: దీప, కార్తీక్ ల పొట్టకొట్టిన జ్యోత్స్న.. బండి కాల్చేసిన బ్రతకగలం!
on Jan 14, 2025
స్టార్ మా టీవీలో ప్రసారమవుతున్న సీరియల్ 'కార్తీకదీపం-2(Karthika Deepam2). ఈ సీరియల్ సోమవారం నాటి ఎపిసోడ్-253 లో.. ఇద్దరు రౌడీలు (వారిలో ఒకడు దీప కొట్టిన వాడు) దీప, కార్తీక్ల ఇంటి వైపు పెట్రోల్, అగ్గిపెట్టి పట్టుకుని వస్తారు. దీప కొట్టిన రౌడీ .. జ్యోత్స్నకు వీడియో కాల్లో కాంటాక్ట్లో ఉంటాడు. రేయ్.. తగలెట్టెయ్యండ్రా అని ఆర్డర్ వేస్తుంది జ్యో. ఇక ఆ రౌడీలు రగిలిపోతూ ఉంటారు. ఒకడు వీడియో కాల్లో జరిగేది చూపిస్తుంటే.. మరొకడు పెట్రోల్ పోసి.. దీప వాళ్ల టిఫెన్ బండిపై పెట్రోల్ పోసి నిప్పు అంటిస్తూ ఉంటాడు. అయితే దీప వాళ్ల ఇంట్లో దీప, కార్తీక్, శౌర్య వరసుగా పడుకుంటారు. అనుకోకుండా దీపకు ఏదో ఉలికిపాటు మొదలై మెలువ వస్తుంది. జరిగేది అంతా వీడియో కాల్లో చూస్తూ.. జ్యో చాలా సంబరపడుతుంది. దీపా.. నీ జీవినాధారం కాలి బూడిద చేయబోతున్నా.. నీ మీద బోలెడంత నమ్మకంతో ఉంది కదా మీ అమ్మ.. అదే మా మమ్మీ.. అన్ని అన్ని ముక్కలవుతాయి ఈ దెబ్బతో’ అంటూ తగలెట్టేయండ్రా అంటుంది. ఇక నిప్పు అంటించేస్తాడు ఆ రౌడీలో ఒకడు. అయితే మంట పెద్దది కావడంతో.. ఆ వెలుగు ఇంట్లో మెలువగా ఉన్న దీప కంట పడుతుంది. అనుమానం వచ్చి కిటికీ దగ్గరకు వెళ్లి చూస్తుంది.
ఇక తలుపు శబ్దం కాగానే.. మేడమ్ ఇంట్లో ఎవరో వస్తున్నారనంటూ పరుగు తీయబోయేలోపే.. దీప బయటికి వచ్చేస్తుంది. రేయ్ రేయ్ అంటూ ఉండగానే వాళ్లు పరుగు అందుకుంటారు. ఇక కాలిపోతున్న బండిని చూసి దీప కార్తీక్ బాబు కార్తీక్ బాబు అంటూ ఏడుస్తూనే పెద్దపెద్దగా అరుస్తుంది. ఉలిక్కిపడి లేచిన కార్తీక్.. దీప అరుపులా ఉందేంటని లేచి బయటికి పరుగున వస్తాడు. కాలిపోతున్న బండిని చూసి అల్లాడిపోతాడు. దీప ఏడుస్తూ.. వాళ్లు బండిని కాల్చేశారు బాబు అనడంతో.. వాళ్ల వెనుక కార్తీక్ పరుగుతీస్తాడు. దీప అక్కడే కూలబడి ఏడుస్తుంది. దీప అరుపులు, ఏడుపు విని.. అనసూయ ఆ తర్వాత కాంచన బయటికి వస్తారు. దీప ఏడుస్తూనే నేను తట్టుకోలేకపోతున్నాను.. ఇది మన జీవనాధారం కదా అత్తయ్యా అంటూ కుమిలికుమిలి ఏడుస్తుంది. ఇక కార్తీక్ ఆ రౌడీల వెంట పడి ఒకడ్ని పట్టుకుంటాడు. వాడు వెనక్కి తిరగేసరికి.. కార్తీక్ వాడ్ని గుర్తుపట్టి.. నువ్వా అంటాడు. అవునురా నేనే.. నన్ను ఆ రోజు కొట్టి పంపించారు కదా.. ఇప్పుడు నేను కొట్టిన దెబ్బ ఎలా ఉంది అంటాడు ఆ రౌడీ. ఎలా ఉందో చూపిస్తానురా అని కార్తీక్ వాళ్లని బాగా కొడుతూ ఉంటాడు. కార్తీక్ ఫైట్ చేస్తుంటే ఆ రౌడీగాడి ఫోన్ కిందపడిపోతుంది. అయితే జ్యోత్స్న.. ఏమైంది.. ఎవరో వస్తున్నారు అన్నాడు.. తర్వాత ఏమైందో ఏంటో అని ఆ రౌడీ గాడికి కాల్ చేస్తుంటుంది. అయితే కార్తీక్ ఆ కింద పడిన ఫోన్ తీసుకుని జ్యోత్స్న నంబర్ గుర్తుపడతాడు. లిఫ్ట్ చేసి చెవి దగ్గర పెట్టుకోగానే.. రేయ్ ఏమైందిరా.. పని అయ్యిందా అనే జ్యోత్స్న మాట విని.. బిత్తరపోతాడు కార్తీక్. ఇంతలో ఆ రౌడీలు పారిపోతూ.. పారిపోతూ ఆ ఫోన్ లాక్కుని వెళ్లిపోతారు. మొత్తానికి కార్తీక్కి జ్యోత్స్న క్రూరత్వం స్పష్టమైంది.దీప అలానే కాలిపోతున్న బండిని ఆపలేక.. నిలబడి చూడలేక.. ఏడుస్తూ అక్కడే కూలబడి ఏడుస్తుంటే.. కార్తీక్ వెనక్కి పరుగున వస్తాడు. దీపను ఓదారుస్తాడు. చుట్టూ జనాలు మూగుతారు. అయ్యో పాపం అంటుంటారు. కార్తీక్ బాబు.. మన జీవనాధారం బాబు.. అన్నం పెట్టే అమ్మ కాలిపోతుందని ఏడుస్తుంటుంది. ఇక అనసూయ కాంచన కూడా బాగా ఏడుస్తారు. కార్తీక్ మనసులో జ్యోత్స్న మాటల్ని ఆమె చేసిన పనిని తలుచుకుని విలవల్లాడతాడు కానీ ఎవరికి చెప్పడు. మరునాడు దాసు, కాశీ, స్వప్న అంతా కార్తీక్ ఇంటికి వస్తారు. ఆ తర్వాత జ్యోత్స్న కూడా వస్తుంది. బావా బండి కాలిపోయిందట కదా.. ఎవరో కాల్చేశారు అట కదా.. అలాంటి వాళ్లని ఊరికే వదిలేయకూడదు.. అవును దీప ఏది ఏడుస్తూ కూర్చుందా పాపం అంటూ నటిస్తూ మాట్లాడుతుంది జ్యోత్స్న. కార్తీక్కి కోపం వస్తున్నా ఆపుకుంటాడు. అప్పడే దీప వస్తుంది. ఏడుస్తూ కూర్చోవడానికి పోయింది బండి మాత్రమే.. బండిపోతే బల్ల పెడతాం..అంతే.. అంటూ దీప ఎంట్రీ ఇచ్చి.. అందరిని బయటికి తీసుకుని వెళ్తుంది. బల్ల మీద టిఫెన్స్ అన్నీ సర్దిపెట్టి ఉంటాయి. అనసూయ పచ్చడి పట్టుకుని ఎంట్రీ ఇస్తుంది. విన్నావ్గా నా భార్య మాట.. నీ సానుభూతి మాకు అవసరం లేదు.. వెళ్లు.. బండి పోతే బల్ల పెట్టాం.. బల్లపోతే సైకిల్ మీద ఇంటికి తిరిగి అమ్ముకుంటాం.. అది కూడా పోతే డబ్బాల్లో నింపుకుని నేను నా భార్య తిరుగుతూ అమ్ముకుంటామంటూ కార్తీక్ అంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
